कोरोना संक्रमितको दाहसंस्कारमा संलग्न हुने कर्मचारीलाई प्रोत्साहन भत्ता

काठमाडौं । पशुपति आर्यघाटमा कोभिड-१९ संक्रमित भएका शव दाहसंस्कारमा संलग्न हुने कर्मचारीले प्रोत्साहन भत्ता स्वरूप एक हजार रूपैयाँ पाउने भएका छन् ।

संस्कृति, पर्यटन तथा नागरिक उड्डयनमन्त्री भानुभक्त ढकालले मन्त्रालयमा पदभार ग्रहण गर्दै शव दाहसंस्कारमा संलग्न हुने कर्मचारीलाई प्रोत्साहन भत्ता दिने फाइलमा हस्ताक्षर गर्नुभएको छ ।

यसअघि सरकारले निर्णय गरेर जोखिम भत्ता दिने निर्णय गरेको भए पनि पशुपति आर्यघाटमा शव दाहासंस्कारमा सहभागी हुने कर्मचारी परेका थिएनन् । अब उनीहरूले पनि प्रोत्साहन भत्ता पाउने भएका छन् । मन्त्री ढकालले पर्यटन क्षेत्रको विकास र विस्तार भन्दा पनि उद्धार र राहतमा केन्द्रीत हुनेगरी नीति बनाउन कर्मचारीलाई निर्देशन दिनुभएको छ ।

मन्त्रालयमा पदभार ग्रहण गरेसँगै उहाँले कर्मचारीलाई निर्देशन दिँदै कोभिड-१९ कारण थला परेको पर्यटन व्यवसायले राहत पाउनेगरी नीति बनाउन निर्देशन दिनुभयो । उहाँले नीति र बजेट दुबै प्रभावकारी हुने गरी तयारी गर्न निर्देशन दिनुभयो ।

ठूलो दलको सरकारबाट बहुमतको हुँदै सुदृढ सरकार बन्ने भन्दै सरकार केही हुन्छ कि भनेर चिन्ता नगरी काम गर्न निर्देशन दिनुभयो । उहाँले विगतमा जस्तै भोलिको दिनमा सहयोग हुने अपेक्षा व्यक्त गर्नुभयो ।

समयको माग अनुसार व्यवहार गर्नुपर्ने भन्दै उहाँले सेवामा समर्पित हुनुपनेर्ने बताउनुभयो । उहाँले कुनै समस्यामा भए आफूकहाँ ढुक्कसँग राख्न अनुरोध गर्नुभयो ।

२०७८ वैशाख ३१ गते १७:५६ मा प्रकाशित

You can share this post!

अस्पताल र अक्सिजन उद्योगमा विद्युत नकाटिने, अक्सिजन उद्योगकाे विद्युत क्षमता बढाइयो

कोरोनालाई सामना गर्ने बजेट ल्याउछौं: अर्थमन्त्री पौडेल

Related posts