काठमाडौं । एक महिनाको अवधिमा सुनको मूल्य २ हजार रुपैयाँ बढेको छ । नेपाली बजारमा वैशाख महिनाको अवधिभर सुनको मूल्य प्रतितोला २ हजार १ रुपैयाँले बढेको छ ।
गत चैतमसान्त र वैशाख महिनाको अन्त्यसम्मको तुलनामा छापावाला सुनको मूल्य उक्त रकमले वृद्धि भएको नेपाल सुनचाँदी व्यवसायी महासंघले जनाएको छ ।
महासंघका अनुसार २०७७ चैत महिनाको अन्तिम दिन प्रतितोला ८९ हजार ५ सय रुपैयाँमा कारोबार भएको सुन २०७८ बैशाख मसान्तसम्म आउँदा ९१ हजार ६ सय रुपैयाँ पुगेको हो ।
तेजावी सुन पनि तोलाका २ हजार ५० रुपैयाँले वृद्धि भएको महासंघले जनाएको छ । गत चैतमहिनाको अन्तिम दिन ८९ हजार ५० रुपैयाँमा कारोबार भएको तेजावी सुनको भाउ बैशाख मसान्तसम्म आउँदा ९१ हजार १ सय रुपैयाँ पुगेको छ ।
यस्तै, नेपाली बजारमा एक महिनाको अवधिमा चाँदीको मूल्य तोलामा ७० रुपैयाँ वृद्धि भएको छ । गत चैत महिनाको अन्तिम दिन प्रतितोला १२ सय ६० रुपैयाँ कारोबार भएको चाँदी बैशाख महिनाको अन्त्यसम्म आउँदा १३ सय ३० रुपैयाँ पुगेको महासंघले जनाएको छ ।
वि.सं.२०७८ जेठ १ शनिवार १२:४९ मा प्रकाशित