३ अर्ब ४६ करोड बराबरको सिमेन्ट क्लिङ्कर आयात, भारतबाट सबैभन्दा बढी

काठमाडौं । चालु आर्थिक वर्षको पछिल्लो १० महिनामा झण्डै साढे तीन अर्ब रुपैयाँ बराबरको सिमेन्ट क्लिङ्कर आयात भएको छ । भन्सार विभागले सार्वजनिक गरेको बैशाख मसान्तसम्मको तथ्याङ्कले यस्तो देखाएको हो ।

विभागका अनुसार बैशाख मसान्तसम्म ३ अर्ब ४६ करोड ३ लाख ८० हजार रुपैयाँ सिमेन्ट क्लिङ्कर आयात भएको हो । क्लिङ्कर छिमेकी दुई मुलुक चीन र भारतबाट आयात हुने गरेको छ ।

चैत महिनाको तुलनामा क्लिङ्कर आयात २.३९ प्रतिशतले बढेको हो । चालु आवको ९ महिना अर्थात चैत मसान्तसम्म ३ अर्ब ३७ करोड ९४ लाख ६४ हजार रुपैयाँ बराबरको सिमेन्ट क्लिङ्कर आयात भएको थियो ।

१० महिनाको अवधिमा उक्त दुई देशबाट ७ लाख २७ हजार टन बढी क्लिङ्कर आयात भएको विभागले जनाएको छ । नेपालमा सबैभन्दा बढी भारतबाट आयात भएको छ । बैशाख मसान्तसम्म उक्त देशबाट मात्रै ३ अर्ब ४५ करोड ५८ लाख ५२ हजार रुपैयाँ बराबरको क्लिङ्कर आयात भएको विभागले जनाएको छ ।

यस्तै, चालु आवको पछिल्लो १० महिनाको अवधिमा चीनबाट २१० टन सिमेन्ट क्लिङ्क आयात भएको छ । उक्त देशबाट ४५ लाख २८ हजार रुपैयाँ बराबरको क्लिङ्कर आयात भएको विभागले जनाएको छ ।

२०७८ जेष्ठ १६ गते १३:०९ मा प्रकाशित

You can share this post!

प्राइम बैंकको अध्यक्षमा श्रेष्ठलाई नै निरन्तरता

कोटेश्वरको जाम हटाउने तयारीमा सरकार, सुरुङ मार्ग बनाउन करिब २ अर्ब विनियोजन

Related posts