सबै नागरिकलाई निःशुल्क स्वास्थ्य सेवा दिने सरकारको तयारी : स्वास्थ्य मन्त्री तामाङ

काठमाडौं । स्वास्थ्य तथा जनसंख्या मन्त्री शेर बहादुर तामाङले सबै नागरिकलाई निःशुल्क स्वास्थ्य सेवा दिने गरी मन्त्रालयले काम गर्ने बताउनु भएको छ । मन्त्रालयमा आयोजित पत्रकार सम्मेलनमा यस्तो बताउनु भएको हो ।

बीमाको माध्यमबाट जनतालाई निशुल्क उपचार गर्ने तर्फ सरकारको तयारी रहेको मन्त्री तामाङको भनाइ छ । उहाँले यसको लागि स्वास्थ्य बीमा प्रभावकारी हुने भएपनि अहिले त्यसो हुन नसकेको दाबी गर्नु भयो । उहाँका अनुसार अहिले स्वास्थ्य बीमा प्रभावकारी नभएको भन्दै अब प्रभावकारी बनाउने तर्फ सरकारको तयारी रहेको छ । बीमालाई पुनसंरचना गर्ने र यसको बारेमा अध्ययन पनि गरिने उहाँको भनाइ छ ।

कोरोना विरुद्ध लडने र कोरोनाबाट सबै जनतालाई मुक्त गर्ने आफ्नो योजना रहेको मन्त्री तामाङले बताउनुभयो । कोरोनाको तेस्रो लहरमा बालबालिकालाई असर पर्ने भनेर सरकारले त्यसको तयारी सुरु गरेको उहाँको भनाइ छ । त्यसको लागि सरकारले सातै प्रदेशमा आईसीयू बनाउने तयारी भइरहको पनि जानकारी गराउनुभयो ।

सबै सार्वजनिक पद धारण गरेका व्यक्तिको सम्पती विवरण सार्वजनिक गर्नुपर्ने भन्दै मन्त्री तामाङले आजै आफ्नो सम्पती विवरण सार्वजनिक गर्नुभएको छ ।

२०७८ जेष्ठ २४ गते १६:४० मा प्रकाशित

You can share this post!

९ कम्पनीमा झुम्मिए लगानीकर्ता: पुनर्बीमा र निफ्रामा बढी आकर्षित, कुनको कति कित्ता बिक्री भयो ?

९ कम्पनीमा झुम्मिए लगानीकर्ता: पुनर्बीमा र निफ्रामा बढी आकर्षित, कुनको कति कित्ता बिक्री भयो ?

Related posts