लुम्बिनी प्रदेशले रुपान्तरण गर्यो कृषिको अनुदान, ८ वस्तुको प्रोत्साहनका लागि साढे ३२ करोड

काठमाडौं । लुम्बिनी प्रदेशले हाल उत्पादन सामाग्रिमा दिँदैै आएको अनुदानलाई प्रतिफलमा आधारित कार्यक्रममा रुपान्तरण गरेको छ । आगामी आर्थिक वर्षको बजेट सार्वजनिक गर्दै यस्तो बताइएको हो ।

उक्त कार्यक्रमलाई थप परिस्कृत तथा परिमार्जन गरी विशेष बालीवस्तुहरु मा चैत धान, हिँउदे तथा वसन्ते मकै, मसिना तथा वासनादार धान, तोरी, मुसुरो, मह, दुध र माछामा प्रतिफलमा आधारित प्रोत्साहन कार्यक्रम सुरु गर्ने भएको छ । यसको लागि ३२ करोड ५० लाख रुपैयाँ बजेट विनियोजन गरिएको छ ।

प्रदेशमा कोरोना विशेष कृषि तथा पशुपञ्छी उत्पादनमा आधारित व्यवसाय सञ्चालनका लागि ११ अर्ब बजेट विनियोजन गरेको छ । यसबाट कम्तीमा २२ सय घरधुरी प्रत्यक्ष लाभान्वित हुने अपेक्षा रहेको छ । सरकारले कृषि प्राविधिक सेवामा कृषकको पहुँच नामक नयाँ कार्यक्रमको लागि ३३ करोड विनियोजन गरेको छ । यसले १०९२ जना प्रत्यक्ष रोजगार हुने बताइएको छ ।

प्रदेशले स्मार्ट कृषि गाँउ कार्यक्रमको लागि ३५ करोड, हाल ९२० हेक्टरमा रहेको करार खेतीलाई १२०० हेक्टरसम्म विस्तार गर्नका लागि ५ करोड, खोरेत रोग उन्मूलन अभियानको लागि ४ करोड रुपैयाँ विनियोजन गरिएको छ ।

एक जिल्ला एक स्रोत केन्द्रका लागि ५ करोड, पहाडी जिल्लाहरुमा प्याज लगायतका तरकारी बिउ र तराईमा अन्न, दलहन तथा तेलहन बालीको बिउ प्रवद्र्धन कार्यक्रमको लागि ३ करोड, निजी तथा सहकारी संस्थाहरुको सहकार्यमा व्यवसायिक धान प्रवद्र्धन कार्यक्रमका लािग ६ करोड तथा ८०९ जना कृषिकर्मीको रोजगारी सुनिश्चित गर्ने गरी कृषिकर्मी रोजगार कार्यक्रमको लागि ६ करोड रुपैयाँ बजेट विनियोजन गरिएको छ ।

२०७८ असार २ गते १३:५९ मा प्रकाशित

You can share this post!

बागमती प्रदेश बजेट : यस्ता छन् निजामती कर्मचारीलाई तलबी बिदा लगायतका अन्य सुविधाहरु

बागमती प्रदेश बजेट : यस्ता छन् निजामती कर्मचारीलाई तलबी बिदा लगायतका अन्य सुविधाहरु

Related posts