सेबोनको पछिल्लो कदमप्रति सिविफिन ध्यानाकर्षण,दायित्व र जिम्मेवारी नबिर्सन सुझाव

काठमाडौं । बैक तथा वित्तीय संस्था परिसंघ नेपाल (सिविफिन) धितोपत्र बोर्डको पछिल्लो कदमप्रति गम्भीर ध्यानाकर्षण भएको जनाएको छ ।

बोर्डले असार १ गते प्रेस विज्ञप्तिमार्फत बैंक तथा वित्तीय संस्थासहित ५१ सूचीकृत कम्पनीहरुको बारेमा नामसहित प्रकाशित गरेको धारणाप्रति सिविफिनको गम्भीर ध्यानाकर्षण भएको जनाएको छ ।

व्यक्ति एवं समुहबाट बजारमा गराइने होहल्ला र अस्वाभाविक चलखेलको नियन्त्रणसँगै सुचिकृत संस्थाहरुको काम कारबाहीको वृहत अध्ययन, अनुगमन र मूल्याङ्कन गरी प्रचलित नियमानुसार कार्य नगरेको र संस्थागत सुशासन कायम नगरेको प्रमाणित भएमा आन्तरिक रुपमा सचेत गराउनु वा कारबाही गर्नु बोर्डको दायित्व र जिम्मेवारी ठहर्ने जारी विज्ञप्तिमा उल्लेख छ ।

सम्बन्धित संस्थाहरुको आर्थिक विष्लेषण गरी लगानी सम्बन्धी सूचनामूलक जानकारी उपलब्ध गराउनुका साथै समय–समयमा आम लगानीकर्ताहरुलाई अभिमूखिकरण कार्यक्रम आयोजना गर्नुपर्दछ । साथै, संस्थागत पहिचान र प्रतिष्ठामाथि आँच नपुग्ने र लाखौ लगानीकर्ताहरुमा मनोबैज्ञानिक त्रास उत्पन्न नहुने गरी बोर्डले काम कारबाही अगाडि बढाउँदा समग्र लगानीकर्ताहरुको हित हुने सिविफिनको धारणा छ ।

नेपाल धितोपत्र बोर्ड सम्बन्धित लगानीकर्ताहरुको अभिभावकीय संस्था र सुचिकृत संस्थाहरुको नियामक निकाय भएको भन्दै धितोपत्र बजारको बृहत्तर सुधार, विकास एवं विस्तारका लागि सम्बधित सबै सरोकारवाला संस्था र सम्बन्धित पक्षहरुलाई साथ लिँदै बोर्डले अग्रगामी पाइला चाल्न सुझाव दिएको छ ।

२०७८ असार ३ गते १७:०२ मा प्रकाशित

You can share this post!

अब काठमाडौंका प्रत्येक वडामा नमुना उपभोक्ता सहकारी संस्था

अब काठमाडौंका प्रत्येक वडामा नमुना उपभोक्ता सहकारी संस्था

Related posts