प्रधानमन्त्रीद्वारा माथिल्लो तामाकोशी जलविद्युत् आयोजनाको उद्घाटन, आर्थिक वृद्धिका १ % योगदान हुन्छः उपप्रम पौडेल

काठमाडौं । प्रधानमन्त्री केपी शर्मा ओली राष्ट्रिय गौरवको माथिल्लो तामाकोशी जलविद्युुत् आयोजनाको उद्घाटन गर्नुभएको छ ।

आयोजनाको उदघाटनसँगै ४५६ मेगावाट मध्ये ७६ मेगावाट विद्युत राष्ट्रिय प्रसारणमा जोडिएको छ । तामाकोशीमा ७६–७६ मेगावाटका ६ वटा युनिट रहेका छन् । भदौ महिनाभित्रै सबै युनिटबाट पूर्ण क्षमतामा बिजुली उत्पादन गर्ने लक्ष्य राखिएको छ ।

आयोजना निर्माणको करिब ११ वर्षपछि पहिलो युनिटबाट विद्युत् उत्पादन सुरु भएको हो । सुरुमा ३५ अर्ब रुपैयाँ लागत अनुमान गरेको भएतापनि अहिलेसम्म ब्याजसहित ८४ अर्ब रुपैयाँभन्दा बढी पुगेको छ ।

आयोजनाको उद्घाटनका क्रममा प्रधानमन्त्री ओलीले आयोजना निर्माणमा ढिला हुँदा निर्माणका लागि अनुमान गरेको लागत जति नै बढी खर्च भएको बताउनुभयो ।

५ वर्ष अघि विद्युत उत्पादन भएको भए जति विद्युत उत्पादन, खपत हुने थियो त्यो हुन नसकेको बताउनुभयो । उहाँका अनुसार आयोजनाले नदेखिने गरी धेरै नै नोक्सान भएको र त्यसले नदेखिने गरी निकै घाटा भएको बताउनु भयो । आयोजनाको विलम्बले प्रत्यक्ष र परोक्ष रुपमा असाधारण क्षती पुगेको स्मरण गराउनुभयो ।

आयोजनाको उद्घाटनका क्रममा प्रम ओलीले उपप्रधान तथा उर्जा मन्त्री बिष्णु प्रसाद पौडेलले यो आयोजना सञ्चालनमा आएपछि आर्थिक वृद्धिमा करिब एक प्रतिशत योगदान दिने बताउनुभयो ।

२०७८ असार २१ गते १८:३६ मा प्रकाशित

You can share this post!

बैंकिङ कसूर मुद्दामा ४५ लाख जरिवाना र १० दिन कैद ठहर भई फरार रहेका कलाकार पक्राउ

बैंकिङ कसूर मुद्दामा ४५ लाख जरिवाना र १० दिन कैद ठहर भई फरार रहेका कलाकार पक्राउ

Related posts