आइतबारदेखि नेपाल फाइनान्स र ललितपुर फाइनान्सले एकीकृत कारोबार गर्ने

काठमाडौं । नेपाल फाइनान्स र ललितपुर फाइनान्सले आइतबार (असार २७ गते) देखि एकीकृत कारोबार सुरु गर्ने भएका छन् । नेपाल फाइनान्सले ललितपुर फाइनान्सलाई प्राप्ति गरेपछि नेपाल फाइनान्स नामबाट एकीकृत  कारोबार गर्ने भएका हुन् ।

नेपाल राष्ट्र बैंकले असार १५ गते र कम्पनी रजिष्ट्रार कार्यालयले असार १८ गते प्राप्तिका लागि अन्तिम स्वीकृति पश्चात दुवै कम्पनीले एकीकृत कारोबार गर्न लागेका हुन् ।

एकीकृत कारोबारका लागि दुवै कम्पनीको विवरणलाई एउटै सफ्टवेयरमा कारोबार गर्न डाटा माइग्रेसन गर्नुपर्ने भएकाले आज दिउँसो १२ः३० बजेदेखि असार २६ गतेसम्म दुवै कम्पनीको सम्पूर्ण सेवा बन्द रहने कम्पनीले जानकारी दिएको छ ।

दुवै कम्पनीले जेठ २८ गते अलग अलग विशेष साधारण सभामार्फत प्राप्ति सम्बन्धी प्रस्ताव पारित गरेका थिए । प्राप्ति पश्चात कम्पनीको रजिष्टर्ड कार्यालय काठमाडौं महानगरपालिका वडा नं. २८ कमलादीमा रहने छ ।

२०७८ असार २५ गते १२:१८ मा प्रकाशित

You can share this post!

चीनसँग खरिद गरेको ४० मध्ये ८ लाख कोरोविरुद्धको खोप नेपाल आइपुग्यो

चीनसँग खरिद गरेको ४० मध्ये ८ लाख कोरोविरुद्धको खोप नेपाल आइपुग्यो

Related posts