अटोमोवाइल क्षेत्रलाई खोपको व्यवस्था गर्न नाडाको माग, सरकारबाट आवश्यक सहयोग प्राप्त हुने अर्थमन्त्री शर्माको आश्वासन

काठमाडौं । अर्थ मन्त्री जनार्दन शर्माले अटोमोबाइल उद्योग स्थापना गर्न नाडालाई अग्राह गर्नुभएको छ । बिहीवार नव नियुक्त अर्थमन्त्री शर्मा र नाडाका अध्यक्ष सहितको प्रनिनिधि मण्डबीचका छलफलमा यस्तो बताउनुभएको हो ।

नाडाका अध्यक्ष कृष्णप्रसाद दुलालको नेतृत्वमा गएको ५ सदस्यीय प्रतिनिधि मण्डलबीच अटोमोबाइल व्यवसायकका समसमायिक विषयहरुमा छलफल भएको थियो ।

उक्त छलफलमा मन्त्री शर्माले अटोमोबाइल क्षेत्रलाई अघि बढाउन सरकारबाट आवश्यक सहयोग प्राप्त हुने आश्वासन समेत दिनुभयो ।

उहाँले नेपालको अटोमोबाइल क्षेत्रमा के कस्ता समस्याहरु छन् ती सवै एकैसाथ उल्लेख गरेर पठाउन समेत नाडाका पदाधिकारीहरुलाई आग्रह गर्नुभयो । साथै सरकारले सबै नेपाली जनतालाई नै सर्वशुलभ रुपमा खोप उपलब्ध गराउन जानकारी गराउनुभयो ।

उक्त छलफलमा नाडाका अध्यक्ष दुलालले नाडाले फेयर ट्रेडमा विश्वास गर्दे आएको भन्दै सवारी साधनहरुको आयातको सन्दर्भमा देखिएका विभिन्न समस्याहरु बारे आफनो धारणा व्यक्त गर्नुभयो ।

अध्यक्ष दुलालले अटोमोवाइलक्षेत्रमा कार्यरत कर्मचारी तथा मजदुरहरुका लागि छिटो कोभिड विरुद्धको खोपको व्यवस्था गरि दिन आग्रह गर्नुभयो ।

नेपालमा स्थानीय उत्पादित अटोमोवाइल स्पेयर पार्टस तथा लुव्रिकेण्टसहरु बढी आयात भइरहेको सन्दर्भमा उच्च गुणस्तरका स्पेयर पार्टस तथा लुव्रिकेण्टसहरु आयात गर्न सकिने व्यवस्थाका लागि आग्रह गर्नुभयो । त्यसैगरी सो छलफलमा अध्यक्ष दुलालले आउदो मौद्रिक नीति अटोमोवाइल व्यवसायी मैत्री आउने आशा व्यक्त गर्नुभयो ।

सोही अवसमरा नाडाका उपाध्यक्ष करण चौधरीले बढदो क्रममा रहेको सवारी साधनहरुको आयात नेपाल राष्ट्र बैङ्कले सवारी साधनहरुको बिक्रिमा लगाएको ५० प्रतिशतको क्यापको कारण आर्थिक बर्ष २०७३/७४ देखि नै सवारी साधनहरुको आयात क्रमशः घटन थालेको जानकारी दिनुभयो । त्यसैगरी नेपालको सार्वजनिक यातायात राम्रोसंग चल्न नसकेको सडकको अवस्था पनि राम्रो नरहेको बताउनुभयो ।

छलफलमा महासचिव सुनिल रिजालले आयात गरिने विल कम्प्युटराइज्ड गरिएको खण्डमा अनधिकृत आयातलाई रोक्न सहज हुने बताउनुभयो ।

२०७८ असार ३१ गते १८:४८ मा प्रकाशित

You can share this post!

सकियो सुनचाँदी व्यवसायीको प्रदेश स्तरीय बैठक, राष्ट्र बैंकले सहज रुपमा सुन उपलब्ध नगराएको गुनासो

सकियो सुनचाँदी व्यवसायीको प्रदेश स्तरीय बैठक, राष्ट्र बैंकले सहज रुपमा सुन उपलब्ध नगराएको गुनासो

Related posts