बागमती प्रदेश सरकारले कार, बस, मोटरसाइकल तथा स्कुटरमा बढायो कर, अब कति तिर्नुपर्छ ?

काठमाडौं । बाग्मती प्रदेश सरकारले दुई तथा चार पाङग्रे सवारी साधनको कर बढाएको छ । प्रदेश सरकारले ‘आर्थिक ऐन २०७८’ मार्फत् बढाएको सवारी साधनको नयाँ कर नयाँ आर्थिक वर्षसँगै लागु भएको छ ।

प्रदेश सरकारले आर्थिक ऐनमार्फत् निजी सवारी साधन जस्तैः कार जीप, भ्यान, माइक्रोबस, मोटरसाइकल तथा स्कुटर, भाडामा दर्ता भएका कार, जीप, भ्यान तथा माइक्रोबसको कर बढाएको हो ।

प्रदेश सरकारले असार ३० गते राजपत्रमा प्रकाशित सूचना अनुसार  १००० सीसीसम्मको सवारी साधानको २२ हजार, हजार देखि १५ सय सम्मको २५ हजार, १५ सय देखि २ हजार सीसीसम्मको २७ हजार, २ हजारदेखि २५ सय सीसीसम्मको ३७ हजार, २५ सय देखि ३ हजार सम्मको ५० हजार, ३ हजार देखि ३५ सय सीसीसम्मको ६० हजार र ३५ सय सीसी भन्दा माथि सबै सीसीको ६५ हजार कर लाग्ने छ ।

यस्तै १२५ सीसीसम्मको  मोटरसाइकल तथा स्कुटरको ३ हजार, १२५ देखी १५० सीसीसम्म ५ हजार, १५० सीसीदेखि २२५ सीसीसम्म ६ हजार ५००, २२५ देखि ४०० सीसीसम्म ११ हजार, ४ सय देखी ६५०  सीसीसम्म २० हजार रुपैयाँ र ६५० सीसीभन्दा माथिका मोटरसाइकल तथा स्कुटरमा ३० हजार रुपैयाँ वार्षिक कर लाग्ने छ ।

यस्तै भाडामा दर्ता भएका सवारी साधानमा १००० सीसीसम्म ११ हजार, १ हजार देखि १५ सय सीसीसम्म १२ हजार ५००,  १५ सय देखि २ हजार सीसीसम्म १३ हजार ५००,  २ हजार देखि २५ सय सीसीसम्म १४ हजार ५००, २५ सय देखि ३ हजार सीसीसम्म १६ हजार ५००, ३ हजार देखि ३५ सय सीसीसम्म १७ हजार ५००, ३५ सय देखि ४ हजार सीसीसम्म १९ हजार र ४००१ भन्दा बढी सीसीका सवारीमा २२ हजार कर लाग्ने छ ।

२०७८ साउन ३ गते १३:२० मा प्रकाशित

You can share this post!

यी हुन् अहिले उच्च दरमा सेयर मूल्य वृद्धि भएका कम्पनीहरु, कुनको कति बढ्यो ?

यी हुन् अहिले उच्च दरमा सेयर मूल्य वृद्धि भएका कम्पनीहरु, कुनको कति बढ्यो ?

Related posts