प्रधानमन्त्री देउवाद्वारा खोप केन्द्रको अनुगमन, सहज रुपमा खोप लगाउने प्रबन्ध गर्न निर्देशन

काठमाडौं । प्रधानमन्त्री शेरबहादुर देउवाले आज (सोमबार) देखि शुरु भएको अमेरिकी जोनसन खोप लगाउने अभियानको अनुगमन गर्नु भएको छ ।

उहाँले नेपाल अर्थोपेडिक अस्पताल जोरपाटी केन्द्रको स्थलगत अनुगमन गर्नु भएको हो ।
अनुगमनका क्रममा सरकारको प्राथमिकता सबै नागरिकलाई कोरोना विरुद्धको खोप लगाउने भएको बताउनुभयो । उहाँले खोप सहज रुपमा लगाउने प्रवन्ध गर्न निर्देशन समेत दिनु भएको छ ।

अमेरिकाले कोभ्याक्स कार्यक्रम मार्फत १६ लाख ३४ हजार डोज खोप नेपाललाई उपलब्ध गराएको छ । उक्त खोप काठमाडौं र ललितपुर लगायतका जिल्लामा लगाउन सुरु गरिएको छ । ५० देखि ५४ वर्षको उमेर समूहका मानिसलाई उक्र खोप लगाउन सुरु गरिएको हो ।

साउन ४ गते (आज) बाट ६ गतेसम्म काठमाडौं महानगरपालिकामा रहेको २८ खोप केन्द्र र जिल्लामा रहेको ५५ ओटा खोप केन्द्र उक्त खोप दिइने छ । यस्तै ललितपुर जिल्लामा साउन ४ र ५ गते मात्र उक्त खोप लगाइने छ ।

२०७८ साउन ४ गते ११:५९ मा प्रकाशित

You can share this post!

चार्टर्ड एकाउन्टेण्टदेखि सहायक प्रबन्धकसम्मका पदमा कर्मचारी, यस्तो छ अवसर

यी कम्पनीहरुको सेयर मूल्य उच्च दरमा वृद्धि, प्रतिकित्ता कुनको कति पुग्यो ?

Related posts