काठमाडौं । सूर्य नेपालले कोभिड–१९ प्रकोप व्यवस्थापन कोषमा ५० लाखको सहयोग प्रदान गरेको छ ।
सूर्य नेपालले तनहुँका शुक्लागण्डकी नगरपालिका तथा र म्याग्दे गाउँपालिका को“कोभिड–१९प्रकोप व्यवस्थापन कोष” मा क्रमशः ३० लाख र २० लाख रुपैयाँ सहयोग प्रदान गरेको हो ।
एक कार्यक्रमकाबीच सूर्य नेपाल प्रा.लि.को शेराटार (तनहुँ) स्थित कारखाना प्रबन्धक बाबुराम कार्कीले उक्त रकम हस्तान्तरण गर्नुभएको हो ।
कारखाना प्रबन्धक बाबुराम कार्कीले सूर्य नेपालले उक्त क्षेत्रमा गर्दै आएको विभिन्न सहयोगको चर्चा गर्दै भविष्यमा पनि सहयोग जारी रहने कुरा उल्लेख गर्नुभयो । कम्पनीको मानव संसाधन विभागका अञ्जन दुवाडीले उक्त क्षेत्रको दीर्घकालिन विकासको लागि स्थानीय संग सहकार्य गर्दै अघि बढ्न सूर्य नेपालले सदैव तयार रहेको जानकारी दिनुभयो ।
सोही अवसरमा शुक्लागण्डकी नगरपालिका तथा र म्याग्दे गाउँपालिका प्रमुख, उप–प्रमुख तथा प्रमुख कार्यकारी अधिकृतहरुले सूर्य नेपाल प्रा. लि ले यस क्षेत्रको सामाजिक आर्थिक बिकासमा गरेको योगदानको उच्च प्रशंसा गर्दै भविष्यमा पनि यस्तै प्रकारको सहयोगको अपेक्षा समेत गर्नुभयो ।
कम्पनीले गत वर्ष पनि शुक्लागण्डकी नगरपालिका तनहूँको “कोभिड–१९ प्रकोप व्यवस्थापन कोष”मा दश लाख रुपैयाँ तथा सात वटै प्रदेशमा कोभिड विरुद्धको लडाईंमा सहयोग प¥याउन एक÷एक करोड रकम प्रदान गरेको थियो ।
कम्पनीले उक्त क्षेत्रमा आफ्नो सामाजिक उत्तरदायित्व अन्तर्गतका विभिन्न सामाजिक कार्यहरु गर्दै आइरहेको छ । कम्पनीले गत आर्थिक वर्षमा पनि म्याग्दे गाउँपालिका र शुक्लागण्डकी नगरपालिकालाई १–१ थान एम्बुलेन्स प्रदान गरेको थियो ।
त्यस्तै कोभिड–१९ को रोकथाम तथा उपचारको लागियस क्षेत्रका बिभिन्न अस्पतालहरु तथा स्थानियबासीहरुलाई विभिन्न स्वास्थ्य सामाग्रीहरु वितरण गरी कोभिड–१९ को महामारी विरुद्धको लडाईंमा सहयोग गर्दै आईरहेको छ ।
वि.सं.२०७८ साउन ५ मंगलवार १०:१५ मा प्रकाशित