नयाँ वस्तु निर्यात र बजारमा जोड दिन प्रधानमन्त्री देउवालाई महासंघको सुझाव

काठमाडौं । नेपाल सुनचाँदी रत्न तथा आभुषण महासंघले अर्थतन्त्रका हरेक क्षेत्रलाई समेटी प्याकेज घोषणा गर्न सुझाव दिएको छ ।

प्रधानमन्त्री शेर बहादुर देउवा समक्ष महासंघले कोरोना महामारीका कारण शिथिल अर्थतन्त्रलाई पुर्नगति प्रदान गर्न प्रत्येक क्षेत्रमा रक्तसंचार हुने गरि विशेष प्याकेजको व्यवस्था हुनुपर्ने माग गरेको हो ।

महासंघका अध्यक्ष रमेश महर्जनको नेतृत्वसहित गएको प्रतिनिधिमण्डलले आभुषण क्षेत्रलाई प्रवर्द्धन गरी अर्थतन्त्रमा थप योगदान पु¥याउने सुझाव पेश गरेको छ ।

राष्ट्र बैंकबाट आर्थिक वर्ष २०७८/७९ को लागि निकट भविष्यमा नै सार्वजनिक गरिने मौद्रिक नीति मार्फत पुनर्कर्जा, सहुलियतपूर्ण कर्जा र व्यवसाय निरन्तरता कर्जा आदिको क्षेत्र विस्तार गरी नेपाल सरकारमा दर्ता भई संचालनमा रहेका सबै उद्यम, व्यवसायले उपभोग गर्न सक्ने प्रावधान राखिनु पर्नेमा पनि महासंघले जोड दिएको छ ।

‘वस्तु व्यापारमा आयातको हिस्सा ९२ प्रतिशत र निर्यात ८ प्रतिशत रहेको र नेपाल जस्तो सानो अर्थतन्त्र भएको राष्ट्रले यति ठूलो व्यापार असन्तुलन सामान्य तवरले थेग्न सक्ने विषय होइन’,- महासंघले भनेको छ ।

परम्परागत वस्तु मात्र निर्यात र पुरानै कार्यशैलीले यो अवस्थामा सुधार नआउने भन्दै नयाँ वस्तु र बजारमा जोड दिन महासंघले सुझाव दिएको छ ।

यस्तो छ महासंघले दिएको सुझाव:

२०७८ साउन ६ गते १३:४५ मा प्रकाशित

You can share this post!

सरकारले छिटै राहत प्याकेज ल्याउँछ : अर्थमन्त्री शर्मा

सरकारले छिटै राहत प्याकेज ल्याउँछ : अर्थमन्त्री शर्मा

Related posts