काठमाण्डौं । बुटवल पावर कम्पनीले थप नयाँ सेयर निष्काशन गर्नका लागि सेयर मूल्य तोकेको छ । कम्पनीको गत आसार २७ गते सम्पन्न साधारणसभाले गरेको निर्णय अनुसार ४० लाख ८१ हजार कित्ता नयाँ सेयर निष्काशनका लागि सेयर मूल्य निर्धारण गरेको हो ।
आधिखोला जलविद्युत केन्द र झिमरुक जलविद्युत केन्द्र आसपासका स्थानीयलाई पाँच प्रतिशत सेयर छुट्याएको कम्पनीले बिक्री प्रबन्धकको जिम्मा एनएमबी क्यापिटल तथा लक्ष्मी क्यापिटललाई दिई सकेको छ ।
कम्पनीले गरेको प्रस्ताव अनुसार प्रतिकित्ता थप नयाँ सेयरको मूल्य चार सय ७० रुपैंया तोकिने भएको हो । एक सय रुपैंया अंकित मूल्यमा तीन सय ७० रुपैंया प्रिमियम थप गरी कम्पनीले उक्त मूल्यमा सेयर निष्काशन गर्ने निर्णय गरेको हो ।
एफपिओबाट संकलित रकम कम्पनीले निमार्ण सुरु गरेका आयोजनामा लगानी गरिने बताइएको छ । शनिबार मात्र कम्पनीले दुई वटा आयोजना निर्माणको सुरुवात गरेको उद्घोष गरेको थियो । जसमा ३० मेगवाटको न्यादी जलविद्युत आयोजना र ३७ दशमलव छ मेगावाटको काबेली ए जलविद्युत आयोजना रहेका छन् ।
१४ चैत २०७३, ११।००
वि.सं.२०७३ चैत १४ सोमवार ११:१४ मा प्रकाशित