काठमाडौं । एनएमबि बैंकले आशुतोष इनर्जीद्वारा प्रवद्र्घित लमजुङको दूधपोखरी र गोरखाको अजिरकोट गाउँपालिकामा अवस्थित ८ दशमलव ६३ मेगावाटको चेपेखोला साना जलविद्युत् आयोजनामा लगानी गर्न सम्झौता गरेको छ ।
सो आयोजनाको कुल लागत रू. १ अर्ब ५० करोड रुपैयाँ रहनेछ जसमध्ये बैंकको लगानी कुल १ अर्ब १२ करोड ५० लाख रुपैयाँ हुनेछ । यससँगै एनएमबि बैंकको कुल ४० ओटा जलविद्युत् आयोजनामा लगानी पुगेको छ ।
आयोजना जलविद्युत् क्षेत्रका अनुभवी प्रवद्र्घक तथा स्थानीय बासिन्दाको लगानीमा निर्माण हुँदैछ । व्यापारिक उत्पादन शुरू गर्नुपर्ने मिति आगामी फागुन ९ गते भए पनि कम्पनीले ४ महीनाअगावै व्यापारिक उत्पादन शुरू गर्ने लक्ष्य राखेको छ ।
उत्पादित विद्युत् लमजुङको कीर्तिपुर सब स्टेशनमा जडान गरिनेछ ।
वि.सं.२०७६ फागुन ९ शुक्रवार ०७:२३ मा प्रकाशित