काठमाडौं । बुधवार नेप्से कारोबार भएको दोस्रो घण्टामा ४२ दशमलव ४१ अंकले बढेर १ हजार ५८७ दशमलव ६१ विन्दुमा पुगेको छ । १ हजार ५४७ दशमलव २१ विन्दुबाट शुरु भएको परिसूचक कारोबारकोे यस अवधिमा २ दशमलव ७४ प्रतिशत बढेको हो ।
यस अवधिसम्म कारोबारमा आएका १२ समूहको परिसूचकमध्ये व्यापार समूहको परिसूचक बाहेक बाँकी ११ समूहको परिसूचक बढ्दा समग्र नेप्से बढेको हो । दोस्रो घण्टाको कारोबारमा १७८ ओटा कम्पनीको रू. २ अर्ब २६ करोड बराबरको शेयर कारोबार भएको छ ।
यस अवधिमा नेपाल लाइफ इन्स्योरेन्सको सर्वाधिक कारोबार भएको छ । उक्त कम्पनीको रू. १२ करोड ४८ लाख बराबरको शेयर कारोबार भएको छ । सो समयमा कम्पनीको शेयर मूल्य रू. १ हजार ४८२ मा कारोबार भइरहेको छ ।
कारोबार रकमकै आधारमा दोस्रोमा नेपाल बैंकको रू. ११ करोड ९२ लाख बराबरको शेयर कारोबार भएको छ । सो समयमा बैंकको शेयर मूल्य रू. ३०६ रहेको छ ।
वि.सं.२०७६ फागुन १४ बुधवार १३:०६ मा प्रकाशित