काठमाडौं । प्रभु बैंकको ४० लाख कित्ता ऋणपत्रमा आवेदन दिने समय थप भएको छ । जेठ ११ गतेदेखि निष्कासन तथा विक्री खुला भएको ऋणपत्रमा आवेदन दिने नपरेपछि समयावधि थप भएको हो ।
यसअघि १० वर्षे अवधिको वार्षिक ८.५ प्रतिशत ब्याजदरको उक्त ऋणपत्रमा जेठ १६ गतेसम्म बिक्री खुला गरिएको थियो । एक सूचना निकाल्दै बैंकले उक्त अवधिमा माग गरे बमोजिम आवेदन नपरेको ढिलो अवधिसम्म बिक्रीमा रहने भएको जानकारी गराएको छ ।
‘प्रभु बैंक डिबेञ्चर २०८७’ नामको उक्त ऋणपत्रमा अब जेठ २६ गतेसम्म आवेदन दिन सकिने भएको छ । बिक्री प्रबन्धकमा मेगा क्यापिटल मार्केट लिमिटेड रहेको छ ।
कुल कित्तामध्ये कम्पनीले १६ लाख सामूहिक लगानीकोषसहित सर्वसाधारणमा बिक्री गर्नेछ भने २४ लाख कित्ता व्यक्तिगत तवरबाट विभिन्न व्यक्ति तथा संघ संस्थाहरुलाई बिक्री गर्नेछ ।
सर्वसाधारणका लागि छुट्याएको मध्येबाट २ हजार ५०० कित्ता ऋणपत्र सामूहिक लगानी कोषका लागि बाँडफाँड गरी बाँकी १५ लाख ९७ हजार ५०० कित्ता ऋणपत्र सार्वजनिक निष्कासन गर्न लागेको हो ।
प्रति ऋणपत्र १ हजार रुपैयाँ दरको ऋणपत्रमा न्यूनतम २५ कित्तादेखि अधिकतम १० लाख कित्तासम्म आवेदन दिन सकिनेछ ।
वि.सं.२०७८ जेठ १७ सोमवार १०:३६ मा प्रकाशित