काठमाडौं । बिहीवार नेपाली बजारमा सुनको मूल्य उकालो लागेको छ । आज एकैदिन तोलामा ४ सय रुपैयाँले वृद्धि भएको हो ।
छापावाला सुनको मूल्य आजका लागि ९४ हजार ९ सय रुपैयाँ कायम गरिएको नेपाल सुनचाँदी व्यवसायी महासंघले जनाएको छ । अघिललो कारोबार दिन ९४ हजार ५ सय रुपैयाँमा खरिदबिक्री भएको थियो ।
बुधवार ९४ हजार रुपैयाँ कायम भएको तेजावी सुनको मूल्य आजका लागि भने ४ सयले बढेर ९४ हजार ४ सय रुपैयाँ निर्धारण गरिएको छ ।
यस्तै, आज चाँदीको मूल्य पनि बढेको छ । चाँदी प्रतितोला १५ रुपैयाँले बढेर १३ सय ७५ पुगेको छ । अघिल्लो दिन १३ सय ६० रुपैयाँमा कारोबार भएको महासंघले जनाएको छ ।
वि.सं.२०७८ जेठ २० बिहीवार १०:५६ मा प्रकाशित